ھېكمەتلەر خەزىنىسى

  • مېنى ئۆلگەنگە قەدەر ئۇنۇتما. – ئاللاھ
  • بالىلار ئاتا-ئانىنىڭ سۆزىنى تىڭشىماس، ئەمەلىيەتتە ئۇلار ئاتا-ئانىنىڭ ھەرىكىتىنى دوراپ ئادەم بولىدۇ.
  • مېڭىۋاتقىنىمىز يول ئەمەس، بېشىمىزغا كەلگەنلەرنىڭ سەۋەبى بۇ.
  • ھەممىز بىر كۈن يالغۇز ئۆلىمىز.
  • بالىلارنىڭ ۋە يامغۇرنىڭ ئاۋازى بىزگە ئاللاھنى ئەسلىتىدۇ.
  • ئىماننى بۇزىدىغان نەرسە – گۇناھتۇر.
  • گۇناھ- باشقىلارنىڭ ھەققىنى يېيىش، باشقىلارنىڭ ئەجرىنى كۆزگە ئىلماسلىق، ئىشنى ئەھلىگە بەرمەسلىك، خوشامەت قىلىش، ھىيلىگەرلىك قىلىش، خېرىسلىنىش، ياۋاشنى بوزەك قىلىش، يامانغا يالاقچىلىق قىلىش، كىشلەر ئارىسىغا پىتنە – پاسات تارقىتىش، ئادىل تەقسىم قىلىشنىڭ ئورنىغا ئايرىمچىلىق قىلىش، كىشىلەرنى ھەتتا دوست- بۇرادەرلىرىنى قىزغىنىش، يالغانچىلىق قىلىش، ئۆچمەنلىك قىلىش قاتارلىقلار بىلەن بىرلىشىپ كەلگەن رۇھى كېسەللىكتۇر.
  • گۇناھ كېسىلىنىڭ شىپاسى-  تۆۋبە يىلتىزىنى ئىستىغپار ياپرىقى بىلەن ئارىلاشتۇرۇپ، كۆڭۈل ھاۋانچىسىدا تەۋھىد توقمىقى بىلەن ئىزىپ، ئىنساپ ئەلگىكىدە تاسقىغاندىن كېيىن كۆز يېشى بىلەن خېمىر قىلىپ  ئاشق ئوتىدا پىشۇرۇپ، مۇھەببەت ھەسىلىدىن بىر ئاز ئارىلاشتۇرۇپ، سەھەر ۋە ئاخشاملىرى قانائەت قوشۇقى بىلەن ئاز-ئازدىن يەپ تۇرۇشتۇر.
  • ئەقلىڭىزگە كەلمىگىنى بېشىڭىزغا كېلىدۇ.
  • يولغا چىق ئەمما يولدىن چىقما.
  • يولغا چىقمىغان، مەنزىلگە بارالماس.
  • قاغا-قۇزغۇنچىلىك ئەقلى يوق مىللەتنىڭ دۆلىتى بولماس.
  • غەلىبە قىلىشنىڭ، ئەقلى بىلەن تىرىشىشتىن باشقا يولى يوق.
  • ئۇنۇتما، سەن ئۈچۈن باشقىسىدىن ۋاز كەچكەن كىشى، بىر كۈنى چوقۇم باشقىسى ئۈچۈن سەندىن ۋاز كېچىدۇ. – مەۋلانە
  • تۈنۈگۈن ئەقىللىق ئىدىم، دۇنيانى ئۆزگەرتىشكە تىرىشىتىم. بۈگۈن ئالىم بولدۇم، ئۆزۈمنى ئۆزگەرتتىم. –مەۋلانە
  • ئۆكۈنمە جان! ماڭغان يولۇڭ توغرا بولسىلا زىيان تارتتىم دېمە. بىلگىنكى، توغرا يولدىكىلەر چوقۇم غەلىبە قىلىدۇ. –مەۋلانە
  • ھايات بىر نەپەستۇر ئالغىنىڭچىلىك، ھايات بىر قەپەزدۇر قالغىنىڭچىلىك، ھايات بىر ھەۋەستۇر قىلغىنىڭچىلىك. –مەۋلانە
  • كىم بىلەن ئارىلىشىپ، ئەل-ئاغىنە بولغىنىڭىزغا دىققەت قىلىڭ. چۈنكى، بۇلبۇل گۈلگە، قاغا جاڭگالغا باشلايدۇ.  –مەۋلانە
  • ئىتلارنىڭ دوستلۇقى ئۇلارنىڭ ئارىسىغا سۆڭەك تاشلانغىچە داۋاملىشىدۇ.   –مەۋلانە
  • قەلپ دېڭىز، تىل دېڭىز قىرغىقىدۇر. دېڭىزدا نېمە بولسا،  قىرغاققا ئۇ چىقىدۇ.  –مەۋلانە
  • ئىنسانلار سېنى خاتا چۈشەنگەندە، سەن دەرتلەنمە. ئاڭلىغىنى سېنىڭ ئاۋازىڭ، كۆڭلىدىن ئۆتكىنى پەقەت ئۆزىنىڭ چەشەنچىلىرىدىن ئىبارەت خالاس.  –مەۋلانە

ھازىرقى زامان ئۇيغۇر تىلى كارتون ئېلىپبەسى

ھازىرقى زامان ئۇيغۇر تىلى كارتون ئېلىپبەسى

ئىنگلىز تىلى گرامماتىكىسى

ئىنگلىز تىلى گرامماتىكىسى

ئۇيغۇرچە–تۈركچە مەسەللەر

ئۇيغۇرچە – تۈركچە مەسەللەر توپلىمى

تۈركچە 1- سىنىپ دەرسلىكى

تۈركچە 1- سىنىپ دەرسلىكى